რამდენიმე საათის წინ ოლიმპიურმა კომიტეტმა ოფიციალურად დაადასტურა, რომ 2010 წლის ვანკუვერის ზამთრის ოლიმპიურ თამაშებზე, რომელსაც სტარტი დღეს უნდა აეღო, 21 წლის ქართველი სპორტსმენი, ნოდარ ქუმარიტაშვილი გარდაიცვალა...
ნოდარს მონაწილეობა მსოფლიოში გამართულ სხვადასხვა ტურნირებზე ჰქონდა მიღებული, იგი საერთო ჩათვლაში 44–ე პოზიციაზე იმყოფებოდა და გამარჯვების ერთ–ერთ ფავორიტადაც მიიჩნეოდა, მაგრამ უკანასკნელ ვარჯიშზე დატრიალებულმა უდიდესმა ტრაგედიამ მას ოცნების ასრულების საშუალება არ მისცა...
ახალგაზრდა სპორტსმენმა ციგის კონტროლი დაკარგა და ზედ ფინიშის ხაზთან რკინის ბოძს შეეჯახა. მას პირველადი დახმარება ადგილზევე გაუწიეს, შემდეგ კი სასწრაფოდ საავადმყოფოში გადაიყვანეს, მაგრამ, სამწუხაროდ, მისი გადარჩენა ვერ მოხერხდა... ნოდარი ავარიამდე დაახლოებით 145 კმ/სთ სიჩქარით მოძრაობდა. ის გზა, რომელზეც შეჯიბრება ტარდებოდა, მსოფლიოში უსწრაფესად და, შესაბამისად, ყველაზე სახიფათოდ ითვლება. დაშავდა კიდევ რამდენიმე სხვა ქვეყნის წარმომადგენელი, თუმცა ლეტალური შედეგი მხოლოდ ქართველის ავარიას მოჰყვა...
ნოდარის ხსოვნას პატივი წუთიერი დუმილით მიაგეს. ღმერთმა ნათელში ამყოფოს მისი სული...
|